Arakin E Madarsa
Jerenigraani -
Khairul Ajkiya Hazrat Allama Muhammad Ahmad Misbahi Sahab Qibla [Sabiq Principal Jamiya Ashrafiya Mubarakpur Azamgarh]
Baani E Madarsa -
Janab Haji Sartaj Ahmad Khan Sahab
Sarparast Aala -
Hazrat Allama Manzoor Ahmad Khan Sahab Ajiji [Shaikhul Hadis Jamiya Arabiya Khairabad Sultanpur]
Nazim Talimat -
Hazrat Allama Mufti Aqil Ahmad Misbahi [Ustaj Jamiya Islamia Ronahi Faizabad]
Manager -
Aalima Fazila Qariya KOHINOOR Amjadi
Aaj Qaum Aur Muaashare Ki Islah Ki Kitani Jarurat Hai Kisi Ahle Ilmo Basirat Par Makhfi Nhi Hai Pora Samaj Khurafat Ka Shikar Hota Chala Jaraha Hai Ham Ehsas Kamtari Ka Shikar Hote Chale Jarahe Hain Jisaki Wajah Se Aaj Ham Tanajjuli Ke Raste Par Hain Aur Uski Asal Wajah Hai Aaqaye Kayanat Sallallahu Alaihi Wasallam Ke Uswah Hasna Aur Islami Talim Se Door Ho Jana Hai.
Hamara Hal Ye Hogaya Hai Ki, Ki Ham Quraan Aur Irshad Nabwi Sallahu Alaihi Wasallam Ko Bhulaa Kar Duniya Ke Lalach Me Khoye Huye Hain Aur Maale Kasir Jama Karane Aur Aesho Aaram Ke Sath Zindagi Gujar Dene Ka Naam Kamyabi Samajhate Hain Halanki Kamyabi To Pure Qaum Ki Falah Wa Bahbudgi Ke Liye Masaib Wa Aalam S Nipat Kar Tosha Aakhirat Jama Kar Lene Me Hai.
Aaj Sone Ka Waqt Nhi Jagane Ka Waqt Hai Aur Kuch Karane Ka Waqt Hai Magar Allah Ajjawajal Bhi Deen Ki Khidmat Ka Sharf Har Ek Ko Ata Nhi Karta Balki Apne Khas Bandon Ko Ata Farmata Hai.
Aaj Zarurat Hai Apane Bachchon Ko Deeni Talim Dene Ka Aur Apane Bachchon Ko Hafiz e Quraan Aur Aalim e Deen Banaane Ki Taki Duniya Aur Aakhirat Sanwar Sake Usi Maqsad Ke Tahat, Shahar Sultanpur Mashhoor O Masroof Gaon Qasba Hasanpur Me Madarsa Sartajul Uloom Gausulwara Ki Tasis Amal Me Aayi.
Ham Aap Ke Naunihaalon Ko Hafiz e Quraan Aur Aalim e Deen Banaane Ke Ajm Rakhate Hain Jo Ki Aap Hazraat Ki Madad Ke Bagair Mumkin Nhi Apane Bachchon Ka Dakhila Madrsa Me Karayen Aur Khidmat Ka Mauka Ata Farmayen.
Agraj Wa Maqasid
- Uloomo Funoon Murawweja Ke Jariye Talba Me Khud Aetemadi Paida Karana Aur Unhe Is Layeq Bana Dena Ki Wo Kise Ke Dast Nagar Na Hon.
- Tajwidulquraan, Tartilulquraan, Talimulquraan Aur Tabligilquraan Par Khas Tawajjah Dena.
- Deen E Islam Ki Tablig Wa Tahaffuz Aur Uski Baqa, Samaj Muaashre Ki Islah Aur Qaum Ki Falah Bahbood Ke Liye Talim O Tarbiyat, Tahjib O Tamaddun Se Hamkinar Karke Rahe Rast Par Lane Ki Saii Karna.
- Namoos E Risalat Sallahu Alaihi Wasallam Ko Pamal Karne Walon Aur Ahlesunnat Waljamaat Par Ungli Uthan Walon Ko Tahriran Wa Taqriran Aur Tardidan Usko Dafa Karna.
- Ulma Wa Huffaj Ki Aesi Team Tayyar Karna Jo Ilmo Fan, Adab Wa Hunar, Computer Wagairah Jadid Technology Ke Hathiyar Se Lais Ho Kar Waqt Ke Challengon Ka Munh Tod Jawab De Saken.
Madrsa Ke Shoobe
- Dars E Nijami
- Tahfizul Quraan
- Tajwidoqirat
- Sartaj Higher Secondary School
- Dawat O Tablig
Darse Nijami : --
Ye Shooba Tishnagan Uloom Deeniya Ke Liye Sajaya Gaya Hai. Iska Nisab Aur Madrason Se Juda Rakha Gaya Hai Taki Hamare Madrase Ke Farigin Jahan Ek Taraf Behtarin Aalim E Deen Ho Wahin Science Aur Technology Se Poori Tarah Lais Hon Aur Asari Taqaze Ko Maddenazar Rakht Huye Computer Ki Talim Bhi Di Jayegi.Ye Course Is Saal Se Shuro Hoga.
Tahfizul Quraan : --
Ye Char Salaa Course Hai Es Shooba Me Dakhilaa Lene Wale Ki Umr 8 Saal Se Pandrah Saal Ke Darmiyan Hona Chahiye. Hifz Ke Sath Sath Rojmarrah Ke Jaruri Masayel Se Aashna Kara Diya Jata Hai. Hindi Angreji Aur Hisab Ki Talim Di Jati Hai Hifz Ke Sath, Taki Talba Me Khud Aetemadi Ke Sath Sath Talimi Liyaqat Bhi Paida Ho SakeTajwid O Qirat : --
Es Shooba Me Jer E Talim Talba Ko Makharij Huroof Ke Sath Quraan Sharif Padhna Sikhaya Jata Hai.Sartaj Higher Secondary School : --
Es Shooba Me Bachchon Ko Darja Nursery Se 10 Class Tak Ki Talim Di Jati Hai Aur Sath Hi Sath Islami Talim Ko Lajimi Taur Par Rakhate Huye Quraan Majid Aur Uski Tajwid Ke Sath Mashq Aur Deeni Umoor Se Waqifiyt Ke Liye Fuqhi Masayel Ki Talim Di Jati Hai Aur Jadid Technology Ke Liye Computer Ki Talim Bhi De Jayegi.Es Shooba Me Dakhilaa Ke Liye Bachchon Ki Umr Kam Se Kam Chaar Saal Hona Chahiye Aur Unake Liye Uniform Lajimi Hai
Dawato Tablig :--
Es Shooba Me Bachchon Ke Liye Ek Haftawar Dars Hota Hai Jisme Majhab Mohajjab Islam Ki Haqqaniyt Ki Tadris Hoti Hai. Talba Ko Sunnat E Hassan Ko Apnate Huye Naat E Rasool Pak Sallahu Alaihi Wasallam Ki Masshaqi Ke Liye Aur Maidan E Khitabat Ka Shahsawar Banane Ke Liye Har Jumerat Ko Ek Ijtemay Bajm Munakkid Hoti Hai Jo Talba Hi Ke Jere Intejam Hoti Hai.Mansoba
- Sajgare Halat Aur Jaraye Aamdat Ki Wusat Ke Pesh E Nazar Jamiya Ki Talimi Andaj Aur Tarbiyti Andaj Ko Buland Se Buland Karna.
- Talimi Irteqa Ke Sath Sath Wasail Ki Farahmi Ke Baas Hasb Jarurat Imaraton Me Taosiy Karna.
- Waqt Ki Najakat Aur Zarurat Ko Dekhate Huye Madrasa Niswan Ke Mansa Shahud Par Lana Jahan Parda Nashin Khwatin Islamiya Fariza Talim O Tarbiyat Se Bahrawar Hon .
- Ek Aes Library Ka Qayam Jo Deeni Wa Asre Uloomo Funoon Par Mushtamil Kitabon Ka Jakhira Hone Ke Sath Sath Madrasa Ke Talba Talibat Ko Unki Darsi Kitabon Ke Husool Ki Pareshaniyon Se Nijat De Sake.
- Computer Lab Jisame Jamiya Ke Sath Baironi Bachchon Ko Bhi Computer Courses Sikhay Jayen.
Apeal
Aap Hazraat Ko Ye Jan Kar Khushi Hogi Ki Aap Ke Mahboob Idarah Me Nazirah, Hifzo Qirat Ke Talim Ke Sath Dars E Nijami Ke Course Ko Is Saal Shuro Kiya Ja Raha Hai.Islami Naunihaalon Ko Darja Nursary Se 10 Tak Ki Talim Di Jarahi Hai Jisame Angreji Hindi Urdu Math Ke Sath Quraan O Hadees Ke Sath Deeni Umoor Ki Bhi Talim Di Jarahi Hai.
Khwahish Mand Hazraat Apne Bachchon Ke Dakhilaa Shawwal Ki 8 Tarikh Se Kara Len.
Madrsa Ki Madad Kis Tarah Karen
- Hifz Ke Kam Ajkam Ek Bachche Ki Talim Ka Pura Kharch Apne Jimme Len.
- Dars E Nijami Ke Ek Bachche Ki Puri Talim Ka Kharcha Apane Jimme Len.
- Kisi Mudarris Ki Salana Ya Ek Mahina Ki Tankhwah Ki Jimmedari Len.
- Bachcon Ki Kitaben Ya Khane Ki Jimmedari Len.
- Madrasa Me Kitaben Waqf Karen.
- Apne Marhoomin Ke Naam Madrasa Me Kamra Banwa Den.
- Bachchon Ke Asari Talim Ke Liye Computer Wagairah Kharid Ke Jamiya Me Waqf Karen.
- Bachchon Ke Liye Thandhe Pani K Intejam Karen.
- Bachchon Ke Liy Roshni Ka Intejam Apane Jimme Len.